المنتدى الرسمي لعمار كنتوشه

07706316170
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 دارميات روووووووووووووووووووووووعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قناص المحبة

avatar

المساهمات : 31
تاريخ التسجيل : 03/04/2008
الموقع : بابل

مُساهمةموضوع: دارميات روووووووووووووووووووووووعه   الأربعاء أبريل 09, 2008 11:43 am

رش الدرب تيــزاب حافي أعتـني لـَــــــــك
جا شٌـلي بالرجليـن الما تجي لــــــــــــك

لو ترِش مو تيــزاب لو تزرع ألغــــــــــام
اللحم خلـٌه إيروح أوصلــــٌك إعظــــــــام

أُوصـَـل إل حي إهواي لو تشبـج إرمـــــاح
والمعتـني الطيبــات مو فشـله لو طـــــــاح

الدنيا بس وياي شـَدت عداوه
ولا واحد إمن الناس لجروحي داوه


الدنيا للتِـــهواه تفتحلـَـه الأبواب
ينزاح حتـٌى الكَيـظ ويصيــر خنياب


الدنيا للتهِـواه تِركَص إمفرعــه
وآنه تجيني إبموس وتكَلي إبلعــه


الدنيا للتهواه تركَصله جــوبي
وآنه الفكَر يا ناس شكَــٌالي ثوبي


يالكَلت سبع سنين عمر الكَلب شـــاط
آنه لفاني الظيم من لف الكَمــــــاط


الواشــي فنـٌـه إيفـوت الواشـي فنـــٌــــــــه
دم للرجــــــاب إيصيــر وآخذها منــــــــــــه


دم للرجـــاب إيصيــر متعَـجٌب إبهـــــــــــاي
بالدم مِشـــه المشحــوف متعــٌني لهـــــــــواي

أطلـَـك وأعت بالكًـــــاع مثل المعســــــره
حسبالي عشـر إفروخ تاليــها حســــــــــره


حسـرَه إلكْ بالدَلال ظـلـٌتْ لما أمـــــــــوتْ
ماتدري حقها الناس إصوابي بسكـــــــــــوتْ


هاك أبرَه . , هاك الخيط خويـه أرد أكلفـَـــــــــك
أمسرٌد الدلال شِــلـٌــــه إعلى عِرفَـــــــــــك


هـاك أبرتك. .و الخيـط خويــه إمش عنــــــٌي
لو بـيـــٌه أشل إجروح .. جان أشل ذَنـٌــــــــي


جرح الفـــراك إيهون عن جرح الــــوداع
البيه دليلي إنصــاب يتطشـٌر أربـــــاع

زين وتشوفه الناس دلاٌلـك أربـــــــــاع
دلاٌلي من فركــاه مثل الثلج مـــــــــاع


لاتســأل إعله الحال خلـٌيها سكتــــــــــــــــــــه
تسأل على المكتول والكاتل إنتـــــــــــــــــــــه


يسألني البطران إعربلي كــــــــــــانَ
حسباله مثل العام عقلي إبمكانـــــــــــه


شحجي وتريد الناس من عندي أحجـــــي
دمعتي إبطرف العين بس أحجي أبجـــــي


يسألني البطران حالك إشلونـــــــــــه
الغاضب الله إعليه هم ينشدوونــــــــــه

لو غبت عنك يوم سامحني يهواي
حبك غصن بالروح لا تكطع الماي

عود ابتعد وانساك كل هذا ظنك
والله الكلب كلساع يسألني عنك

صار الكلب نقال وانته البطاقه
صدكني بس وياك تحلى الصداقه

كلبي تركني وراح كالوا تعناك
فر مني صار اسبوع بشرني ما جاك

بيكم تهيم الروح والقلب ذايب
وارسل عبير الشوق لأغلى الحبايب

كون المرض يندار منك اليه
واحسبهه منك هاي اجمل هديه

ليش النحب ملكاه يكثر دلاله
ويبخل علينه شبيه حتى برساله

ماخذ عهد عالروح هذا انه طبعي
للصاحب اتعب حيل واهديله ضلعي

ارد انشد العشاك عن فرد حاله
ليش التكله اهواك يكثر دلاله

كلمه وبعد هيهات ما حاجه اكلك
لو انته خلي تصير لو انه خلك

نيته وغصن مكسور وبشحة الماي
هذا انه حالي عليك من تكطع وياي

لا تظن يوم انساك يالتسوه كلشي
تسوه العدل والمات والتوه يمشي

متروسه روحي هموم محد حملها
مدري من اشوفك ليش انساها كلها

ناوي السفر يفلان تاركني المن
صدكني من فركاك عيوني يعمن

عبوه وزرعني الشوك كوه على دربك
واعذرني لو فد يوم فجرني حبك

تيزاب احط بالعين وامنعها منك
صبح وعصر وغروب تسألني عنك

كافي جفه وحسرات كافي ملامه
الكلب قبل العين يرسل سلامه

شدهتني هايه الروح صارت عجيبه
شو بس إلك تشتاك شنهي المصيبه

العشك مو بالهون العشك بلوه
بي مره بي لوعات وايام حلوه

طك كلبي والعباس كلش عليكم
مو مشي يمكن راح دفرات اجيكم

جيت ودمعتي عليك كدامي تمشي
يا كلشي وبلياك ما اسوه كلشي


چانت الورده تبوس حتى المنايه
هسه الورد لوطاح ينزل شظايه**

تسألني كل الناس عن امنياتي
اتمنة بس وياك تخلص حياتي**




يتعارك الدلال وي روحي والعين
كلمن يريدك بيه ترغب تحط وين**

خاف احط بالدلال والجم جروحك
تزعل عليه العين وياهه روحك**

تزعل عليك العين وياهه روحي
بيدي لكض الموس وازيد جروحي**

بيدك تكض الموس واتزيد الجروح
جا شنهي نفع الطيب لو راحت الروح**


حكهه وتهيج الروح من عندي وتروح
لن مالكت محبوب ويخيط الجروح**


لشلع هدوب العين واخيط جروحك
واتبادل انه وياك روحي وي روحك**

مو روحي بيه تعيش كمت اني اشك بيك
ومرات احاچي الروح حسبالي احاجيك**

شاب وشبت والشيب مولايج ويــاي
كل صيبج على الراس بسج يدنياي**

هم همي هم الناس هم هم الايــام
جمالة حتة العين مالتقبل اتنام**

جربت ماخليت كل المشة ويــاي
نص الطريق وكال حد هذة ممشاي**

يتوسط الشمات حملي ويكع ليــــش
عبرت بحور انذال واني اغرك بكيش**

بسك ترة تعديت حد الجفة وياي
اعطش وضوك الماي وبجفك الماي**

يوم الك يوم اعليك ها طبع دنياك
لاتنسة صاحب جان كل عمرة ويــــاك**

الخوه شحت حيل صارت قليله
لكن وحك عيناك خوتنه اصيله**

ريت الله يجمع كون شمل الأحباء
ويخلص عراق الخير من كل الأعداء**

لعيونك الحلوات بس اكتب اشعار
حتى الكمر بليل من عدهن يغار**

هم قهر هم لوعات والظلم عادي
بس ذبح مو معقول صارت ابلادي**

شاري الحنينك دوم موش انة بايع
وصدكني وبلياك كل عمري ضايع**

ادري الكلب وياي بس روحي يمكم
واليجري بلشريان مو دمي دمكم**


يسألني ملك الموت روحك شجاها
كتله حبيب الروح كبلك خذاها**

اشلونك يبعد الروح وناسي كلهه
روحي شتهت ملكاك حاير شكلهه**

ظليت اون عليك واشهك بل انفاس
ومن بعدك الهل يوم ماعاشرت ناس**

انشد ولو ينكال باالنشد ذله
شتظن حكمه يصير اليجفي خله**

تـيزاب احـط بلعـين واعميــها بجفـاك
خـافن تصد للغير وتـنسى المضى ويـاك**

هم قلق هم وسواس هم كلشي بيه
ضيم وقهر ياناس مطرن عليه**

الدنيا بس وياي ممشاها مقلوب
وصبر الصبرته عليك زاد اعله ايوب**


روحك تذوق الموت ماتبقى حي دوم
بالقبر لو طبيت مايفيدك اللوم**


نتراهن انه وياك ياهو اكثر هموم
همي بثگل دنياي و الباقي مظموم**

لعبة الدنيه وياي لعبة مجانين
اتطلعني من السيان تلطخني بالطين**

أُوصَل إلحي إهواي لو تشبج إرمـاح
والمعتني الطيبات مو فشله لو طـــاح**

زين وتشوفه الناس دلاّلـك أربــاع
دلاٌلي من فركاه مثل الثلج مـــــاع**



كلمن يحب ينگال حب وتمرمر
گلبه انجرح جرحين مو مية اكثر**

ربيتة ردتة يصير لجروحي بلسم
لمن كبرت وصار جرثومة بالدم**


اشما تريد يصير ياوكتي بلواك
ربع النفس بالروح واتماطل وياك**

مو قصده ذاك السيف بالهامه جاسه
دنك عله الكرار باسه عله راسه**

أهلا وسهلا بيك يالچنت غايب
فرالقلب والروح صوب الحبايب**

هاك أخذ ها شتريد شتريد أخذ هاك
هوه العمر فلسين يسوه أبليـاك**

هاك إخذ قلبي وروح يابعد روحي
من فرگتك يفلان زادن جروحي**

اشجب وادين اليوم موقف حضرتك
بالكلب كاعد ليش قابل غرفتك**

شكد سامحت وأنطيت فرصة على فرصة
صارولي بالبلعوم أحبابي غصة**


بحبك إذا غصيت أشرب ورى ماي
أنسالة كل الراح وأتذكر الجاي**

الغالي من يخون يرخص وأعوفة
أكعد وأكوم وياه بس ماأشوفة**

لو أدري بالحب نار ماجربيتة
ولفي نسيت الروح بس مانسيتة**

ترجع تـرد الـروح ياكامل الـزيـن
انا ارد امـوت اليوم وتگلي بعدين**

انطيني مهله انساك شتظنها سهله
موحتى ملك الموت هم ينطي مهله**

لو تدري روحي شلون عگبك حزنها
مثل التشيط گبال تابوت ابنها**

دم ينترس ويفيض گلبي من الفراگ
ولو مر عليّ طرواك من روحي انباگ**


غيمت روحي اعليك اتنكط ادموع
كونك تمر بالروح وامطرلك اسبوع**

امطرلك اسبوعين بس لو تمر طيف
ولو بالصدك مريت امطر شتة وصيف**

ناذر نذر لوجيت وتشوفك العيـــــــــــن
اكعد واجّدي اسبوع يم باب الحسيــــــن&&

وسفه العراق انباع ابهالسهـــــــــــــوله
المن نعاتب بيه شنهو النگـــــــــــوله&&

تدري شكثر يفلان وشكَد احبــــــــــــك
من كثر ما اشتاكَ مرات اسبــــــــــك&&

صرت انته يالمحبوب وي دمي تفتـــــــــر
انته بغلات الروح لا والله واكثــــــــــر&&

بالگلب ماناسيك صورة الك راســـــــــــم
حب من عهد صدام مو حب حواســـــــم&&

عاتبني لو ظنيت لحظة اني ناسيـــــــــــك
تدري انت وسط الروح وبكَلبي شاريـــــك&&

نارالتشب بالروح تطفة بدموعــــــــــــي
مشتاق الك والشوق حسرة بضلوعــــــــي&&


يمكن نسيت الشوق يمكن عفتنـــــــــــي
موش انته عالهجران ما عودتنـــــــــي&&

طر كلبي والعباس كلش عليــكم
مو مشي يمكن راح دفرات اجيكم&&

من روحي كل الناس طلعت تقاعد
بس انت بيها تعيش وبنصها كاعد&&

تدري شوكت انساك وبخاطري تهون
من تلكَة اسمي هناك بالنجف مدفون&&


شاعر واخذني الشوك وتغزلت بيك
ومني القوافي تغار كل ما احاجيك&&


تصدف تلاكي وجوه تنكط محنة
تسوى الاخو الموجود ابيت اهلنة&&


بهاي اشوفك طيف وبهاي اداريك
ولو تمل هاي وهاي بروحي اخليك&&

لامن بخت موجود اعوج نصيبي
لامن اخو وصدگان لامن حبيبي&&

يامن صرت للشوك والحب سفيره
وين ألكه يبن الناس نكطة الغيره&&



عيد اليمر على الناس ماحسبه انا عيد
عاشور احسبه يصير من كونك بعيد&&

هاج الكلب اخذيه دفتر للدروس
وعيوني من تقرين سويها فانوس&&

اتمنة روحي اتصير نجمة وترابيك
وبهيدة تالي الليل انزل واشم بيك&&

نبته وغصن مكسور وبشحة المـــاي
هذا انا حالي عليك من تكَطع وياي&&



انتة حبيب الروح وانتة دواها
معقول اكول بيوم روحي انساها&&

تسمع حجي النسوان مرتك توزك
ماغزر الكاروك من جنت اهزك&&

حيـــــــل إلكم إشتاكَيت مدري شبلاني
حبكم سكن بالروح مكَدر أتاني&&

حاولت ادز الروح شو روحي بيدك
ودمي تركني وراح يمشي بوريدك&&


صح انته عني بعيد من تحسب امتار
بس انته وسط الروح مبنيه الك دار&&

ردلي حبيبي ارجوك وارحم احوالي
ما أشـكي عالمخلوق للـه سؤالي&&

يالما دريـت اشــصار اوكَـف واكَـلك
حـال اليـتـيـم تهـون عـن حـال خـلك&&



كَـلـبـي عـلـيـك يـنـوح مانام لـيـلـه
مسألتي انا وياك صارت طـويـلـه&&

جيتك بقايا انسان ايدي على خدي
كَلبك صخر مالان يالعـفت ودي&&

لا يا وليف الـروح لا تنســـــى ودي
مالي غرض بالناس بس انته عندي&&

ياخلي لو صديـت كَلبي يريدك
موت وحياة الروح ياخلي بيدك&&



يسمر فراكَك ليش روحي جرحها
صابر ودمع العين غصبن فضحها&&

يالفاركَتني الروح بعــدك جريحه
بعـــدك طريح افراش جني ذبيحــه&&

دربك عليه ابعيد وتريدك الروح
والكلمة بلمرسال ماتشفي الجروح&&

دمعي لهيب الجمر ويسيل عل خدين
وعشت ابمرار وحزن من غبت عن العين&&
ا
بسوك الورد طبيت وشكثر شايف
ماشفت ورده ابلون ذني الشفايف&&

من مثلي ياهلناس ضاك الماسي
مثل الشمع ظليت ناري اعله راسي&&

لابديجيلك يوم تذكرني وتعود
من فركتك لليوم دمعي اعله الخدود&&

مانمت ربع الليل حلفوا المخده
والدمع صاير سيل للركبه حده&&

كافي جفه وحسرات كافي ملامه
القلب قبل العين يرسل سلامه

اتمنى هالنقال بي بث مباشر
وانقلك بتركيز كل المشاعر

العشك مو بالهون العشك بلوه
بي مره بي لوعات وايام حلوه

طك كلبي والعباس كلش عليكم
مو مشي يمكن راح دفرات اجيكم

جيت ودمعتي عليك كدامي تمشي
يا كلشي وبلياك ما اسوه كلشي

ليش التريده الروح شوفته بعيده
ويمك يظل للدور الما تريده

الروح حنت الك والعين الك مشتاكه
تدري اليحبه القلب مو هين فراكه

تدري القلب مشتاك يسألني عنك
ينطر رسالة شوك توصلني منك

احجي بصراحه وياي حلوه الصراحه
ميلوك الك والله طبع الوكاحه

ارسل عيوني هديه والتمس منك قبول
لا تظن قلبي نساكم هو من حبكم خجول

اسهر واجر حسرات وبعيني دمعه
مشتاق أريد اليوم صوتك اسمعه

موش بسواد العين والدم ترى الناس
يا خويه الطيبين بالوفه تنقاس

من كلبي خذ شريان شاركني بالدم
خاف الوكت غدار وبغيري تهتم

اسمك طبع بالروح وبدمي يجري
غيرك فلا خاويت بس الله يدري

كل عقلك انه انساك واعشكلي ثاني
انته الكلب والروح يعني انته اني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دارميات روووووووووووووووووووووووعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الرسمي لعمار كنتوشه :: الفئة الأولى :: قسم الدارمي-
انتقل الى: