منتخبنا الوطني

منتخبنا الوطني

هذا منتخبنه الوطني من ينزل الميدان.....
ينزل عالخصم و يخليه حيران....
آه يا لعبك الحلو آه يا فنان...
و من يفوز المنتخب يخلي الشعب فرحان....
و لو أن الشعب مملي بالاحزان.....
هذا الشعب العريق و تريد مني برهان...؟
راح أبرهنلك.....يلتدعي الاحسان....
هذا العراق اللي أحله ما بيه...لمة الخوان...
راح أحجيلك ولا تظل حيران...
منين تريد نبدي من الأهل لو من الجيران...؟
راح أبديلك بأهله الطيبين...و الشجعان....
الكرم شيمتهم و الضيافة و الاحسان...
و برموش عيونهم يغطون كل عريان....
و بدموع العيون يسكون كل عطشان.....
و شما أحجيلك عن أهله أبقه مقصر و خجلان...
لأن كل شبر من أرضه اله قصه و كل فدان....
و كل شجرة من أشجاره و الأغصان....
و هسه خل أحجيلك عن الجيران.....
اللي ما طلع من عدهم الا العار و الخذلان....
و رادو يزرعون بكلوب الشعب الأحزان.....
ما كالو هذا العراقي أخونه تعبان....
و فوك هذا كله اسمعني يا فلان....
صارنه أربع سنين محتلينه الأمريكان....
أربع سنين نعاني من الحرمان...
لا كهرباء ولا ماي ولا نفط ولا أمان.....
خلينه مرتاحين اليوم بفوزالمنتخب و خل نترك الأحزان...
هذا المنتخب العريق المتعدد الألوان....
بيه عرب و أكراد و تركمان.....
احنه مو وطن واحد....احنه مجموعة أوطان...
تربطنه العواطف و المشاعر و الحنان......
تربطنه العواطف و المشاعر و الحنان......


عمار كنتوشة